ಸೋಲುವುದು ಸಹಜ
ಈ ಸೋಲ ಮೆಟ್ಟಿ
ಎದ್ದು ನಿಲ್ಲೋದು
ಮರಳ ಮೇಲೆ ಮನೆ ಕಟ್ಟೋದು
ಸೋಲೇ ಗೆಲುವಿನ ಮೆಟ್ಟಿಲು,
ಆ ಮೆಟ್ಟಿಲ ಸುಳಿವು ಎಲ್ಲಿಹುದು,
ಪ್ರತಿ ಮೆಟ್ಟಿಲ ಮೆಟ್ಟಿದಾಗಲು
ಅದರ ಹೇಸರೇ ಇರುವುದು ಸೋಲು .
ಗೆಲುವಿನ ಮೆಟ್ಟಿಲು
ಕೊನೆಯಿಲ್ಲುಹುದೇ ?!,
ಆ ಕೊನೆ ಮೆಟ್ಟಿಲು
ಆಕಾಶದಿ ಅಡಗಿಹುದೇ
ಈ ಆಕಾಶಕ್ಕೆ ಹಾಕಿದ ಏಣಿ
ಏರುತ್ತಿಹೆವು ಒಂದೊಂದಾಗಿ
ಮೆಟ್ಟಿಲ ಚಕ್ರವ್ಯುಹವು ಇದು
ಎಳೆದೊಯ್ಯುತಿಹವು ಎಂದು
ಈ ಏಣಿಯಾ ಕೊನೆ ಎಲ್ಲಿಹುದು
ನಾ ಹುಡುಕುತಿಹ ಗೆಲುವಿನಲ್ಲಿಹುದೆ?
ಎಣಿಯನು ನಂಬಲೇ?
ಬೇರೆ ಎಣಿಯನು ಹುಡುಕಲೇ?
ಮುಗಿಯದ ಈ ಪಯಣ
ಬೆನ್ನತ್ತಿಹೆ ತ್ರಿವಿಕ್ರಮನಂತೆ
ಗೆಲುವಿರದಿದ್ದರೆ ಏನಂತೆ
ಸ್ವಾರಸ್ಯವಿಹುದು ಪಯಣ ಪಾದರಸದಂತೆ
No comments:
Post a Comment